gizarteratzea:
arreta pertsonalizatua
- generoko bortxakeriaren biktimak
ZER DIRA ETXEKO TRATU TXARRAK?
Ondorengo egoeraren bat jasan edo ezagutzen al dut?Emakumeek beren senar, bikote edo senargaiaren eskutik behin eta berriz jasaten duten edozein eraso fisiko, psikologiko, sexual edo beste motakoa, beren askatasun eta eskubideak urratu eta ondorio larriak sortzen dizkiena.
TRATU TXAR MOTAK
Tratu txar fisikoak.
Halabeharrez gertatu ez diren eraso fisikoak, senide batek behin eta berriz zertuak, kalte fisikoa eta ezinbestez psikologikoa eragiten dutenak eta pertsonaren askatasuna urratzen dutenak.
Tratu txar psikologikoak.
Desbalorazio, umilazio, hitzezko eraso, gizarte-isolamendu, mehatxu eta abar eragiten dituen ekintza oro. Senide batek behin eta berriz burutuak dira, eraso fisikoz edo horrelakorik gabe ager daitezkeenak eta biktimari kalte psikologikoa eragiten diotenak. Eraso fisikorik ez badago zailagoa da frogatzen. Horrelako bortizkeria erabiltzeak biktimaren oreka psikologikoaren suntsipena ekarri ohi du.
Etxeko tratu txarrak sexu-erasoaz.
Horrelakotzat hartzen dira bikote barruan gertatutako sexu-erasoak, bortizkeriaz edo larderiaz zertuak biktimaren sexu-askatasuna errespetatu gabe, uneoro erabilgarri dagoen sexu-objektutzat hartzen da-eta biktima.
SEXU-ERASOAK
Sexu-erasoa.
Pertsonaren sexu-askatasunaren aurkako portaera, indarra edo larderia erabiliz zertua, edo botere-posizio batez baliatuz sexu-harreman bat inposatzen diona beste pertsona bati, azken honen borondatearen aurka joanez.
Sexu-abusua.
Beste pertsona baten sexu-askatasunaren aurkako ekintzak, bortizkeriarik
edo larderiarik gabe zertuak eta kontsentimendurik ez badago.
Kontsentimendurik gabeko sexu-abusutzat hartzen dira honakoak: Beste pertsona
hori 13 urtez azpikoa denean, edo adimen-asalduraren bat badu edo gauzak
ulertzeko ahalmenik gabekoa bada, edo biktimaren askatasuna hertsatzen
duen nagusitasun nabarmeneko egoera batez baliatuz lortzen denean kontsentimendua.
Sexu-jazarpena.
Sexu-izaerako faboreak eskatzen direnean, norberarentzat edo hirugarren batentzat, lan, irakaskuntza edo antzeko bateko nagusitasun-egoera batez baliatuz, modu esplizituan edo inplizituan adieraziz biktimari kalte bat eragiteko asmoa, aipatu lan, irakaskuntza edo antzeko esparruko harremana dela-eta biktimak izan ditzakeen zilegizko itxaropenei dagokienez.
ZER EGIN DEZAKET LARRIALDI EGOERATAN? NORA JO DEZAKET?
SOS DEIAK
Tel. 112
Faxa: 943447904
ALDUNDIKO GIZARTE LARRIALDIETAKO ZERBITZUA
Udaletxeetako gizarte zerbitzuak abian ez dauden orduetan:
Lanegunetan 15:00etatik 08:00etara
Larunbat eta jaiegunetan egun osoan
Tel. 943224411
Zure osotasun fisikoa arriskuan baldin badago...
Ostalaritzako establezimendu batean aldi baterako ostatu emango dizute, doan.
Laguntza juridikoaren berri emango dizute.
Etxeko indarkeriaren biktimentzako ofiziozko txanda. Tf.: 652 779 043 (24 ordu)
Udaletako gizarte zerbitzuetan...
Los Udaletako
gizarte zerbitzuetan. informazioa eta laguntza eskainiko dizkizute
eta zure kasuaren segimendua egingo dute. Eta udal zerbitzuetan ezin badizute
horrelakorik eskaini, haien ordez Giza Eskubideetarako, Enplegurako eta
Gizarteratzeko Departamentuko Gizarteratze eta Enplegu Zuzendaritzak lagunduko
dizu.
Tfnoa: 943112688 / Faxa: 943112623
E-maila: pastiazaran@gipuzkoa.net
ALDUNDIAREN ZERBITZUAK ETXEKO TRATU TXARREN ETA SEXU ERASOEN KASUETARAKO
ALDUNDIKO GIZARTE LARRIALDIETAKO ZERBITZUA
Zerbitzu hau sortzearen asmoa da bitarteko bat eskaintzea udaletako gizarte zerbitzuen arreta orduetatik kanpo (lanegunetan 15:00etatik 08:00etara, larunbat eta jaiegunetan egun osoan) gertatzen diren larrialdietarako: egoeraren araberako larrialdiak, norbanakoenak, eta famili nahiz gizarte larrialdiak.
Tel. 943224411
LARRIALDI EGOERETARAKO OSTATUA
Ostalaritzako establezimenduetan , ostatua
aldi baterako eta doan, etxeko tratu txar larriko egoerei
erantzuteko.
Zerbitzuaz baliatzeko: Aldundiko Gizarte Larrialdietako Zerbitzua , SOS DEIAK edo udaletako gizarte zerbitzuak.
LAGUNTZA PSIKOLOGIKOA
Laguntza psikologikoa emateko, hitzarmen bat izenpetu dute Giza Eskubideetarako, Enplegurako eta Gizarteratzeko Departamentuak eta Gipuzkoako Psikologoen Elkargoak.
Azalpena
Tratamendu terapeutiko espezifikoak dira, bizikidetzaren eremuan edo afektu harremanen eremuan tratu txarrak hartu eta/edo sexu askatasunaren kontrako ustezko delituak jasan dituztenei eta orobat erasotzaileei zuzenduak.
Onuradunak
- Tratu txar fisikoen biktimak
- Tratu txar psikologiko edo psikikoen biktimak
- Sexu askatasunaren kontrako delituen biktimak
- Erasotzaileak
Prestazioak
- Aztertzea eta baloratzea. Hasierako
diagnostikoa da, eta aztertua biktima den eta tratamendua eskaintzea komeni
den jakiteko egiten da.
- Tratamendu terapeutikoa. Gehienez 18 saio,
45/60 minutukoa bakoitza (aparteko kasuetan, saio gehiago egin daitezke).
Finantzaketa
Zerbitzua doan da onuradun guztientzat.
Eskaera
Udaletako gizarte zerbitzuen bidez.
Harremanak
Pilar Astiazaran
Tfnoa.: 943112688
Faxa: 943112623
E-posta: pastiazaran@gipuzkoa.net
Datu estatistikoak
ARAUDIA ETA PLANAK
18KO 45/04 FORU DEKRETUA
2004ko maiatzaren 18ko 45/04 Foru Dekretua, bizikidetzaren eremuan tratu txarrak hartu eta/edo sexu askatasunaren kontrako ustezko delituak jasan dituztenentzako Laguntza Psikologikoko Programa arautzekoa (103 zk. GAO, 2004ko ekainaren 2koa).
2003ko uztailaren 31ko Legea
2003ko uztailaren 31ko Legea, etxeko indarkeriaren biktimak babesteko
agindua arautzekoa (183. BOE, 2003ko abuztuaren 1ekoa).
- Etxeko indarkeriaren biktimak babesteko aginduaren ezarpenerako protokoloa.
- Babesteko agindua eskatzeko eredua
205/2005 Errege Dekretua
2005ko otsailaren 25ko 205/2005 Errege Dekretua, behar ekonomiko bereziak eta enplegu bat aurkitzeko zailtasunak dituzten langabetuentzako 2005erako gizarteratzeko errenta aktiboaren programa arautzen duena ( 49 zk BOE 2005/02/26).
4/2005 LEGEA, otsailaren 18koa, Emakumeen eta Gizonen Berdintasunerakoa
Abenduak 28ko 1/2004 Lege Organikoa, Emakumeen kontrako Indarkeriari aurre egiteko Neurri Integralei buruzkoa
Etxeko tratu txarren eta sexu erasoen biktima diren emakumeentzako laguntza hobetzeko erakunde arteko akordioa.
Etxeko tratu txarren biktima diren emakumeentzako segurtasun plana (2002-2004).
Gizarte zerbitzuen eremuan, etxeko indarkeriaren biktimak babesteko aginduaren eraginkortasuna bermatzeko koordinazio protokoloa.
Etxeko indarkeriaren eta sexu erasoen biktimentzako laguntza juridikoaren zerbitzua eta ofiziozko txanda sortzeko akordioa.
Emakumeen eta gizonen arteko aukera berdintasunaren foru plana.
