gizarteratzea:
arreta pertsonalizatua
- InfAsis zerbitzua
DESKRIBAPENA
Informazio eta laguntzako InfAsis zerbitzua, Giza Eskubideetarako, Enplegurako eta Gizarteratzeko Departamentuak eta Euskal Herriko Gay eta Lesbianen Elkartearekin izenpetutako hitzarmenari esker eskaintzen da.Zerbitzuak helburu hau du: izate homosexuala normalizatzea eta, aldi berean, beren sexu joera edo genero identitatea desegokiro bizi dutenei babesa eta laguntza ematea.
HARTZAILEAK
Homosexualak eta transexualak
Bere sexu joera edo genero identitatea desegokiro bizi duelako, informazioa, aholkua edo lagunartea behar duen edonor.
Gizarte eta famili ingurunea
Laguntzea bai familia-ingurune gertuenekoei (aitari, amari), inorentzat izatekotan horientzat izan ohi baita kezka eta gatazka iturri seme-alaben izate homosexuala, eta baita gizarte-inguruneko gertuenekoei ere (anai-arrebei, lagunei, ezkontideari...). Informazioa eta laguntza ematea da auzia, arrotz eta moldagaitz egiten zaien egoera horretara egokiro hurbil daitezen.
Beste kolektibo batzuk
Zerbitzuaz baliatzea eska lezaketen kolektiboak: ikastetxeak, astialdiko taldeak...
Kasu bereziak
Irakasleak, lan munduko jendea, seropositiboak, transexualak.
ZERBITZUAK
Informazioa
Legeei, sexu osasunari, aisialdiari, astialdiari eta abarrei buruzkoa.
Dokumentazioa
Interesatuta daudenen eskura dokumentu bilduma bat jarriko da (liburuak, aldizkariak, prentsa, bideoak, hemeroteka...). Dokumentu horietan, lesbianismoa, homosexualitatea, sexu aniztasuna, homosexualitatearen historia, sexu psikologia eta beste gai batzuk jorratzen dira.
Harrera
Zerbitzu honen eginkizun nagusia da aintzat hartu eta bideratzea gayek, lesbianek eta transexualek izaten dituzten itxaropenak eta galderak zentroarekin eta/edo beste homosexualekin lehen aldiz harremanetan jartzen direnean. Ondoren, zerbitzu honetatik zentroko beste zerbitzuetara bideratuko litzateke jendea, eskaeren arabera.
Orientabidea
Zerbitzu honetan laguntza eta orientabideak eskainiko zaizkie beren sexu joerari buruz zalantzak dituztenei, barneko nahasmenduak itota daudenei eta beren sexu joera desegokiro bizi dutenei. Laguntza eta orientabideko zerbitzu hori lehen mailakoa izango da. Hartaz, beste bide batzuk jorratuko dira laguntza profesional bereziagoa behar den kasuetan.
Elkar Laguntzako Taldeak (ELT)
Helburua da talde giro bat sortuz laguntzea arazoak elkarri adierazten, norberaren izate homosexualaren edo generoz gaindiko identitatearen inguruan izandako gatazkez eta bizipenez ohartzen eta larritasun ohikoenak argitzen.
FINANTZAKETA
Zerbitzu hau Giza Eskubideetarako, Enplegurako eta Gizarteratzeko Departamentuak finantzatzen du.
HARREMANAK
GEHITU
Arrasate 51, 33. esk.
20005 Donostia
Tfnoa.: 902 200 096
Faxa: 943 468 516
E-posta: info@gehitu.net
www.gehitu.net
