web orrian erabilitako
irisgarritasun jarraibideak
Zer da irisgarritasuna?
Irisgarritasunak esan nahi du ezgaitasunak eragindako inolako mugapenik gabe informazioa eskuratzea.Jende asko dago web orrietako informazioa eskuratzen duena geureen aldean oso bestelako egoeretatik. Entzumen, ikusmen edo mugikortasun arazoak izan ditzaketen pertsonez ari gara. Irakurri edo ulertzeko zailtasunak dituzten pertsonak izan daitezke; edo teklatua eta sagua erabiltzeko arazoak dituztenak. Talde horretan sartzen ditugu ere testu irakurle hutsa, pantaila txikia, konexio mugatua eta abar dituztenak. Azken batean mugapen teknologikoak dituzten erabiltzaileez ari gara.
Biztanleriaren %10 eta 20 artean dago talde horietan, eta gaur egungo web orri batean nabigatzea oso zaila eta askotan ezinezkoa gertatzen zaio.
Arazo horiek konpontzeko tresnak eta erremintak sortu dira (hala nola ahots nabigatzaileak edo pantaila handitzaileak) eta horien bidez eduki ezberdinak zuzen interpretatzeko moduan egokitu daiteke ordenagailua.
Gizarteratze eta Enpleguko Zuzendaritzaren lana ezinduen alde
Gure web orria ahalik eta erabiltzaile gehienengana iris dadin, Gizarteratze eta Enpleguko Zuzendaritzak erabiltzaile guztien eskura egongo den web orria diseinatzen ahalegindu da,erabiltzaile horiek edozein ezgaitasun dutela ere. Horren bitartez, teknologia berriek ekarritako aldaketak sortutako oztopoak eta gizarte diskriminazioa murrizten lagundu nahi da.Horretarako, gure proiektua egiterakoan W3Cko oW3Cko (World Wide Weberako Kontsortzioa) WAI Lantaldeak (Amaraunaren Irisgarritasunerako Ekimena) emandako Irisgarritasun Jarraibideak edo Diseinu Irisgarriko Printzipio Orokorrak ezarri ditugu.
Era berean, W3Ck ezarritako formatu estandarrak erabili ditugu eta WAIk emandako Irisgarritasun Jarraibideak bete ditugu, AAA maila lortuz.
Lan hori egin arren, gure web orrian nabigatzeko edo ikusteko arazoren bat baduzu, jakinarazi iezaguzu lasai info@inikernet.com posta elektronikoaren bidez.
Estandarrak
Edukietarako erabili diren lengoaiak eta egitura XHTML 1.0 eta ASP 2.0,dira eta elementuak antolatu eta grafikoki aurkezteko kaskada erako estilo orriak erabili dira. Orri guztiak XHTML 1.0 eta CSS 2.0. bezala balidatu dira.Web orriaren nabigazioa
Orrien egitura
Gure erabiltzaileei nabigazioa errazteko, orri guztiek antzeko egitura dute , honelakoa:Goiburukoa, gorputza edo kokatuta gauden atala garatzen duen eremua eta orria "ixteko" oina edo beheko barra.
Goiburukoa
Goiburukoa hiru zatitan banatuta dago:
- Goiko menua: loturak, harremanak, irisgarritasun jarraibideak eta hizkuntzak
azaltzen dira.
- Eremu korporatiboa logotipoekin: Gipuzkoako Foru Aldundiaren logotipoa
(web gunerako lotura duena) eta Gizarteratze eta Enpleguko Zuzendaritzarena
agertzen dira (lotura horrek web gunearen orri nagusira eramaten du).
- Nabigatzeko menu nagusia: web orrian garatzen diren puntu nagusiez osatua.
Web guneko orri guztietan, orri nagusian izan ezik, kode irakurgarri bidezko
bi lotune jarri dira ikusmen ezintasuna dutenak kontuan izanda. Bi lotune
horiekin zuzenean joan daiteke nabigazioko menu nagusira (goiburuko goiko
menutik eta logotipoen eremutik pasa gabe) edo atal horretako edukiaren
garapenean sar daiteke, nabigazioko menu nagusia alde batera utzita. Horrela
irakurketa softwareak dituzten erabiltzaileek ez dituzte irakurri behar
orri bakoitzean menu nagusian edo orriaren edukian sartu arte errepikatzen
diren elementu guztiak.
Gorputza edo garapena
Gorputza edo garapena deitzen diogu web gunearen funtsezko zatiari, atal nagusi bakoitzaren azalpen testuak biltzen dituenari. Atal horietako batzuetan goiko azpimenuak aurki ditzakegu, bertan jasotako informazioa atalkatu edo zatitzen dutenak. Horrela lortzen da erabiltzaileek lehen begiratuan edo irakurketan aukera posible guztiak aurrean izatea eta gehien interesatzen zaionera joatea.
Oina
Azpiko barra edo "oina" web orriaren itxiera da. Beraz, copyrighta
edo, berriz ere, Gipuzkoako Foru Aldundiaren logotipoa agertzen dira.
Alabaina eta, goiburukoan egin dugun moduan, hemen ere nabigazioko menu
nagusirako lotune bat jarri dugu, irakurketa softwareak dituzten erabiltzaileei
sarbidea errazteko.
Sarbide azkarreko teklak
Nabigazioa errazten duten sarbide azkarreko teklak jarri ditugu.
Sarbide azkarreko teklak sistema ezberdinetan
Microsoft Windowsen oinarritutako sistemetan
sarbide azkarreko teklak erabiltzeko ALT+ sarbide azkarreko tekla konbinaketa
erabiltzen da (Internet Explorer 4.0, Netscape, Mozilla Firebird) edo
ALT+sarbide azkarreko tekla+ENTER konbinaketa (Internet Explorer 5 edo
goragokoak).
Opera sisteman sarbide azkarreko teklak dira: maiuskula
tekla+Esc.
MacOS sistema eragilean oinarritutako sistemetan CONTROL+sarbide
azkarreko tekla konbinaketa erabili daiteke.
Erabilitako sarbide azkarreko teklak:
d: deskribapenera joan.
p: prestazio ekonomikoetara joan.
g: gizarteratzera joan.
e: enplegura joan.
b: berrietara joan.
a: agendara joan.
z: baimendutako zentroetara joan.
s: lotuneetara joan.
Lotuneak eta irudiak.
Web guneko lotura gehienek azalpen bat dute title atributuaren bidez. Halaber, irudi guztiek azalpen txiki bat dute alt atributuaren bidez.
Ikus-diseinua
Web gune honek kaskada erako geruzak eta estilo orriak erabiltzen ditu (CSS) informazioa begiz formateatzeko. Edukia aurkezpenetik bereiztu da, eta ziurtatu da ingurune ezberdinetan sarbidea eta informazioaren bistaratze ona izatea. Hizki-tamaina erlatiboak erabili dira, erabiltzaileek beraiek eta nabigatzaileetako testu aukerak erabiliz aldatu dezakete tamaina. Web gune hau ondo bistaratzen dela egiaztatu dugu nabigatzaile (Internet Explorer 5.5 eta goragokoak, Mozilla, Opera), plataforma, ekipo eta konfigurazio nagusienetako bertsio ezberdinetan.